الكاتب: علاء الشرݣي
مول الورقة
بعدت على حلاوة اللسان
درت الريجيم فالكلام
زدت شوية فالصوت
و نقصت من الصورة
الخط مال بيا
و طحت حرف بحرف
على السطورا
نكتب فشعر بارد
نعاسي قصير
و الحلمة فايتاني فالطول
عنقت ذراعي
و تسنيت الخيال يدور
هاذ الكتبة مرسول
و شكون يقول
" طلع الشعر علينا "
قطعت السكات بكلمات
فرشت وجهي
للدهشة فين تبات
خرجت على النص
و ما عيني فالدخلات
عيني فاللي تحيي المعنى
بعد الممات
خمسة و ربيع على الورقة
تشم قبل تقرا
ورد و ياسمين و زهر
نابت على جنب السطر
و مول المورقة
مزال..مزال اخضر
........
........
