الكاتب. بوعزة الصنعاوي
امي كلثوم ... بعتت فالهولوغرام
الناس حايرة
مع ليام دايرة
ما ارتاحت ما تهنات .
الشعوب صبرت
شاخت وكبرت
وفالفرح شحال تسنات .
وأخ الشعوب مشطونة
لكن بالفن ..
على جراحها ونات .
امي كلثوم
باقة فالقلب ،
وصوتها يسلب
والناس لغناها حنات .
ماتت .. ماتت
وحثا شبعت موت
رجعنا ها للرباط وغنات .
ياااا بني عدنان
ياااا بني قحطان .
هي روح ..
بغات بحبها تبوح
وقصدت عز الأوطان .
لاحت لكفن
وريحت لعفن
وجات لابسة م لحرير قفطان .
جات لمدينة النور
باقة كوكب
والشعا محاديها .
مازال ، امي كلثوم واقفة
تغني ...
والزيف فيديها .
مازال ، فعنقها خيط الجوهر
منسم بروايح القرفة .
وأخ ماتت ، َومشات لهيه
ما خانت فن ، ما بدلت حرفة .
وبايت الجمهور فارح
كلشي معاها يغني .
كلشي ناشط ،. محسن وماشط
شي بالمضام والتكاشط
وشي ناقش محني .
الفنان باقي فينا حي
يتبعت ...
فالهولوغرام ، ولينا يغني .
اناعارف
الدول فالازمة مزموتة .
لكن بلدان ناشطة
وبلدان مقلقة مشموتة .
شوف المغرب ، حبوه الحيين
ورجعو ليه حثا الموتى .
.....
...
