الكاتب: حسن ميري
جرب...
جرب...
تجول ف الخاطر
شوف عيبك فين حاتل
تسلل لظلام النفيسه
وانسل ما يشوفك حد
تجاوز حدود الروح
سرق شويفة
سرق السمع
راقب الغفلة
شوف النقص..فين مدسوس
يمكن بينك و بين نفسك
عيب مكفوف
يمكن شوفة مكروفة
خلاتک ملهوف
غطات عين الحق
غلب سواد الشك
بياض اليقين
سول گلبک...
فين لهوا سكن و تمكن
سول عقلک
فين عشش الوهم
و بيض فيه
شوف مغرس ديك الشجرة
علاش نكدت وقلت غلتها
حل عينيك واستلغا لكلام
ضرب ميات تخميمة
كون مقص ف لحساب
كون رجل ودير جهدك...
علاش قديت...
......
.....
