الكاتب: محمد موتنا السباعي
آش باقي ما زال !!؟
آش باقي ما زال !!؟
واش ما بقى حد
يكول الّلا بَصَّحْ
يدير حد ل المشهد !؟
ما بقى من يوقف عَـلْكَه
ما بقى من يدير الحد
ل هاد الدل اللي طاح
ٱحْـتَـلّْ الروح و تمدد !؟
واش دم العربان حلال
و رخيص حتى ل هاد الحد
يصير الصبي ف غزه
واشم سميته ف اليد
عسى يكون لُه رقم فْ قْـبَرْ
و يصير ف لعداد مْقَـيَّـدْ
و كناش الشهدا مشرع
حلف هو ما بغى يتسد ..
واش باقه شي حدود
من بعد هاد الحد !!؟
واش باقي شي حد
يعاود ترتيب المشهد
ول كلها باع حماره
وَلَّ ڭاعْ الجهد تْحَدّْ
آش باقي ما زال
آش باقي ما زال
آش باقي ما زال
آش باقي من بعد !!!؟
.....
محمد موتنا السباعي
