الكاتب: بوعزة الصنعاوي
العيد
قبل العيد ...
كنتي تتزيز وتحب .
بعد العيد ...
صابح مقلق تتسب .
والشناق ...
رجع عيان ،
قول مهدود يكحب .
من جيوبو يسوس
من كل جيهة يجبد لفلوس
يضحك عليك ويحسب .
وانت ...
مانفعك تشطار وقفوزية .
عييتي تفوح ،. وبقرايتك تتزيّا
قطعتي الكوطليط ..
وخليتي العنگرة للمروزية .
وبين السنان ،. تشم ريحة الصنان
حيث ريحة العلف ..
بحال ريحة العجاج
ملي تخلطت ليك ..
لمروزية ببزق الدجاج .
وهااانت كول ودوق
مبروك عليك العيد ..
ومبروك عليك راس السوق
بكساكس ومروق
كوليه مشوي ، وكوليه مسلوق .
كول وانت مقلق غضبان
فالمجمر ريحة لبخور فالقطبان
شبعتي تقيا وسبان ،
والگديد م البالكو يبان
كحل ... ومجموع عليه الدبان .
( يتبع )
