الكاتب: محمد لمسيح أبو سارة
تنهيــــدة
هاكي يا خاطري
تبسيمة من فم البارح
هاكي غضبة
على جبين اللي جاي
هاكي غصة
من گلب قاسح
هاكي شبر
فين تحفري قبر
ل لالة و سيدي مولاي
هو غير سؤال
طاح من عقل سارح
هي غير فكرة
صحات من سكرة
و گالوا لك آش تسواي.
آش خاطر ف بالك يا خاطر
مال هاذ الحال
عل الفرح گفى.. و خلّا
شلّا خبال ف البال
مال الصمت داع بلا حكمة
مال الكلام زاد ف الهبال
هي غير ذيك الفكرة
هو غير ذاك السؤال
وقفوا على بابك
لمّا تقاضَى الحجي
و الليل طوال.
..........
