مَ نْصِيبْشْ

الكاتب: عبد الجليل الفولادي

مَ نْصِيبْشْ

مَ نْصِيبْشْ

أَذَاتِي

نْخَلِّ لْهَضْرَة

هْدُوبْ

دَيْ مَجْدُوبْ

عْتُوبْ

دَبْرَة

حُݣْرَة فِيَّا تْقَرْشَلْ

مَ نْصِيبْشْ

انْخَلِّ لْمُغْزَلْ

مْسَنَّدْ قَاجُّو لَّحْبَلْ

مَ نْصِيبْشْ نْخَلِّ الطَّعْمَة

بْلَا لْوَانْ ؤُ رْشِيمْ لَكْحُلْ

مَ نْصِيبْشْ

نْخَلِّ الجَّعْبَة تَدْمَعْ

ازْنَدْهَا حَامِي يْلَعْلَعْ

جَايَبْ النَّݣْشَة مِيزَانْ

يْهَزْ سْوَاكَنْ لَغْشَا

تَتْحَيَّرْ ارْيَاحُو

تَعْݣَبْ

بِقْرَاقَبْ احْدِيدْ

تَجْدَبْ

بِسْوَالَفْ سَنْتِيرْ

تَنْدَبْ

تْخَلِّي

وَطْرَاتُو تَرْشَا

تَطْلَقْ اسْرَاحْ

مَلْيُوطْ سْوَاكْنو تْبَكِّيهْ

.....

.....