الكاتب: حسن ميري
منين أنت ف لخوت
حاول تقراك...وكون كراك
عنداك تنسى موروثك
وجيناتك...ولاصل من دمك
شلح وللَّى عربي
موريسكي...ولا نزعه من لتراك
قرا تاريخك..من ألفك لياك
حلل الشفره (DNA)
تعرف راسك ف الشجره
والعرق مناش جيتي..من جدك وبّاك
ذيك الساعة تعرف طبعك..
تعرف ملجاك
فصلك وشخصك ف الانسانية
حاول تتجنب الأنانية
تقرا شكون الغالب فيك
سبع وللى ضبع
تعرف ذيك النزعة
سادي وللَّى عادي
وللَّى عزيز عليك الشنعة
ياكما ما همجي...
من ياجوج وماجوج
وتحسب راسك ملاك
لا تنساش راك غ ورقة
ف الحالة المدنية
.....
.....