حاجة

الكاتب: فؤاد العنيز

حاجة

كنكون موجود

ملي كنكون ريح

كيعلم لمواج

عل الشط

تصول وتجول

كنكون موجود ملي

كنكون سابق ظلي

نميل

كي الشمس كنميل

وشروقي كيطول زايدكنكون موجود

ملّي

كتكون الكانة

عوافي زاندة

وهي وانا

واحد

روح ماردة

للحرف قايدة

وانا عليها قايد

كنكون موجود ملّي

ظلّي ما كيشبهش لظلي

ملّي

كنركب ظلّي بركيg

نسايس لغمام ساعة

نزرع فعين الشمس

كف

بلا صبعان

و دم واقد

كنكون موجود

ملّي كنعصى راسي

نقًطّرْ قطيرات الصبر

فمهراز الوقت

وندق بالمهل

دق دق دق

دق دق دق

تا واحد ما يحس بدقّاني

ما يحس بدقّاني تا واحد

.....

.....